Como debemos escribir os topónimos

• Non se usarán abreviaturas:A Corred. dos Nabais - A Corredoira dos Nabais
• Escribiranse os xenéricos sempre que os pronuncien: O Monte do Pedroso / O Pedroso
• O artigo forma parte do topónimo, é moi importante recollelo. Para comprobar se o usan na fala espontánea, convén facer preguntas coa preposición EN: vive en Outeiro? / vive no Outeiro?...
• Os castelanismos non se corrixen: A Leira da Carretera, Os Eidos da Iglesia...
• Respectaranse as variantes morfolóxicas propias de cada área dialectal: Os Poulóns / Os Poulós / Os Poulois; Pazo / Pacio; Rebordechán / Rebordechao...
• Os nomes xenéricos como ponte, fonte, regueiro, camiño, corredoira, muíño, capela, areal, con, penedo..., que forman parte de topónimos compostos, deberían escribirse con inicial maiúscula e con artigo sempre que a xente o use. Exemplos: A Fonte da Perguiza, Pena dos Mouros, O Camiño do Ribeiro, A Ponte da Barcia, Ponte das Poldras, O Muíño dos Varela, Regueiro da Cova...